Nuk janë vetëm tifozët e Juventusit që nuk duan një afrim të mundshëm të Lukakut.
Edhe ata të Interit, duket se nuk e presin krahëhapur Cuadradon, i cili vjen nga një eksperiencë e gjatë te bardhezinjtë.
Në rrjetet sociale protestat kanë qenë të vazhdueshme, duke kujtuar përplasjet e shumta të kolumbianit me lojtarët e Interit, provokimet dhe penalltitë e dyshimta të tij që e kanë bërë gjithmonë një figurë të urryer për popullin zikaltër.
Një grup tifozësh shkoi deri aty sa u mblodh para zyrave të klubit sot, duke qenë të gjithë të gatshëm të hapnin një parullë të cilën më pas vendosën që të mos e shpalosnin.
Shkak u bë takimi i këtyre tifozëve me përgjegjësin e marrëdhënieve me publikun të Interit, i cili doli dhe i takoi në rrugë, duke shuar pa filluar mirë këtë protestë që padyshim nuk do të sillte asgjë të dobishme për zikaltrit./ h.ll/abcnews.al
