Sassuolo ka arritur një fitore të bukur shtëpiake përballë Spalit të Etrit Berishës. Vendasit ishin të papërmbajtshëm dhe realizuan gola të mrekullueshëm. Takimi përfundoi 3-0 dhe ky trepikësh e ngjit Sassuolon përkohësisht në vendin e shtatë me 6 pikë, ndërsa Spal mbetet në kuotën e 3 pikëve.
Sfida u zhbllokua në minutën e 26-të nga Francesco Caputo. Kundërsulm i bukur i Sassuolos dhe Duncan dhuroi një asist për qendërsulmuesin, i cili nuk gaboi përpara Berishës.
Aksion fantastik edhe ai i dyfishimit në minutat shtesë të pjesës së parë. Berardi uli një top të bukur për Caputon, i cili mposhti sërish portierin shqiptar me një goditje të saktë.
Me gol nisi edhe pjesa e dytë. Berardi insistoi brenda zonës dhe pasoi për Duncan, me ganezin që nuk e kishte të vështirë të shënonte me portë bosh. /abcnews.al
Sassulo – Spal 3-0
(Caputo 26’, 45+2’, Duncan 47’)
