Maturantët që dëshirojnë të studiojnë për Mjekësi të Përgjithshme në universitetet publike në vend para regjistrimit do të firmosin një marrëveshje përmes të cilës garantojnë se pas diplomimit do të punojnë pesë vite në Shqipëri. Qeveria miratoi draftin përmes të cilit synon frenimin e largimit të bluzave të bardha nga vendi.
Shumë qytetarë e kanë konsideruar këtë vendim të drejtë, duke telefonuar edhe në emisionin “Mirëmëngjes me Bashkim Hoxhën”. Një tjetër ka folur mëngjesin e kësaj të premte, duke e konsideruar një vendim të goditur dhe të domosdoshëm për spitalet tona. Sipas tij, Shqipëria ëhstë në pikë kritike për doktor dhe duhet me patjetër ta frenojë largimin e tyre.
“Përshendetje Zoti Bashkim! Më habit fakti i opozitës që nuk i bie dakord me ligjin për Fakultetin e Mjekësisë. Është vendimi më i goditur, më popullori, më i domosdoshmi që spitalet tona të rinovohen me mjekë të rinj, sepse jemi në pikën më kritike për doktor”, tha qytetari.
