Admir Mehmedi ka shënuar golin më të bukur të këtij raundi të parë në Europa League. Mesfushori me origjinë shqiptare mbron ngjyrat e Wolfsburg dhe në takimin kundër Oleksandria, u shndërrua në protagonist.
Numri 14 i skuadrës gjermane merr një top shumë të vështirë në hyrje të zonës, arrin ta kontrollojë dhe pa u menduar dy herë, lëshon një goditje fluturimthi me të djathtën, duke realizuar një “perlë”. Nga një kënd thuajse i pamundur, Mehmedi i befasoi të gjithë të pranishmit në stadium.
