Paraditen e sotme, mesfushori kroat i “zikaltërve” të Inter, Marcelo Brozovic refuzoi ofertën e arabëve të Al-Nassr, mirëpo në mbrëmje duket se diçka ka ndryshuar dhe kroati do të jetë lojtari më i ri i Kampionëve sauditë.
Sipas raportimeve më të fundit të gazetarit të mirënjohur të futbollit, Fabrizio Romano, kroati 30-vjeçar dhe klubi arab kanë arritur marrëveshjen për transferimin e tij në Rijad, teksa gjithçka do të firmoset në orët në vazhdim.
Në klubin e tij të ri, Brozovic do të përfitojë plot 100 milionë euro për 3 vitet e ardhshme që do të kalojë në Arabinë Saudite, ndërsa “zikaltërit” mbeten goxha të kënaqur, teksa përfituan 23 milionë euro nga shitja e kartonit të kroatit. /i.m /abcnews.al
