Sipas raportimeve italiane, Sandro Tonali nuk ka dashur të largohet nga Milani për t’iu bashkuar Newcastle dhe ka shpërthyer në lot kur mësoi për ofertën e madhe të anglezëve.
Megjithatë, ai vetë ndoshta nuk ishte veçanërisht i emocionuar për mundësinë e transferimit në Angli. Siç raporton Repubblica, dëshira e Tonalit ishte të qëndronte në Milano, gjë që vërtetohet edhe nga një ngjarje e veçantë e ndodhur pak ditë më parë.
Në mënyrë të veçantë, 23-vjeçari kishte udhëtuar drejt Rumanisë për Kampionatin Evropian U21, kur mësoi për propozimin e Newcastle dhe synimin e “rossonerëve” për t’iu përgjigjur pozitivisht. Siç thekson Repubblica, Tonali ka shpërthyer në lot me të dëgjuar lajmin, pasi dëshironte të vazhdonte karrierën në Milano dhe të bëhej një “flamur” i skuadrës.
Gjithsesi mesfushori italian ndoshta do ta kalojë shpejt, pasi pritet të marrë një pagë katërfish te Newcastle, në raport me paratë që ka marrë në Milano. /G.D abcnews.al/
Tonali, le lacrime prima dell’accordo col Newcastle https://t.co/d8kRbCP1j1
— Repubblica Sport (@SportRepubblica) June 23, 2023
