Me largimin e Eden Hazard , Karim Benzema dhe Marco Asensio nga Real Madridi në fund të sezonit, numrat 7, 9 dhe 11 do të mbeten të lirë.
Kush mund t’i marrë ato sezonin e ardhshëm?
Le të hedhim një vështrim në opsionet.
Nr.7
Fanella ka një histori të gjatë në Madrid pasi legjenda si Raul dhe Cristiano Ronaldo e kishin veshur atë. Që nga largimi i portugezit, lojtarë si Mariano dhe Eden Hazard e kanë mbajtur atë, por ata thjesht nuk janë në të njëjtin nivel.
Është e qartë se Vini Jr mund ta marrë atë, por ai raportohet se ka refuzuar propozimin e klubit.
Rodrygo ose Jude Bellingham gjithashtu mund ta marin numrin 7. Një opsion tjetër është të mbash bosh numrin ikonë për një kohë, derisa të vijë Kylian Mbappe.
Nr.9
Në mënyrë ideale, Rodrygo merr nëntën. Megjithatë, nëse një sulmues me emër të madh si Harry Kane apo Victor Osimhen do t’i bashkohet, Rodrygo do të duhet të presë.
Nr.11
Siç u raportua më parë, Vinicius Junior i vuri sytë fanellës. Megjithatë, nuk përjashtohet as Rodrygo, Bellingham apo Kai Havertz (në rast se ai nënshkroi për Los Blancos, sigurisht) që të mbajë nr.11. /G.D abcnews.al/
