Presidenti ukrainas, Volodymyr Zelensky është shprehur se është gjithmonë i lumtur të bisedojë me kryeministrin britanik, Rishi Sunak, të cilin ai e përshkroi si një “mik të vërtetë të Ukrainës”, raporton Sky News.
Në një postim në Twitter, Zelensky gjithashtu falënderoi personalisht Rishi Sunak për ndihmën e Mbretërisë së Bashkuar me “udhëheqjen në krijimin e një koalicioni tankesh dhe aviacioni, veçanërisht në gatishmërinë për të filluar trajnimin e pilotëve ukrainas”.
Sunak tha më herët se Ukraina meriton të jetë në NATO pasi të dy liderët morën pjesë në një samit të liderëve evropianë në Moldavi.
“Unë pajtohem me sekretarin e përgjithshëm të NATO-s se vendi i merituar i Ukrainës është në NATO dhe ajo për të cilën po flasim gjithashtu me Ukrainën tani është të sigurohemi që ata të kenë të gjithë mbështetjen e nevojshme për një kundërsulm të suksesshëm”, tha ai duke folur për transmetuesit në mbledhjen e Komunitetit Politik Evropian./abcnews.al
