Pas vizitës së djeshme në rajonin Emilia Romagna, i cili u godit së fundmi nga përmbytjet vdekjeprurëse, presidentja e Komisionit Europian Ursula von der Leyen ndodhet sot në Venecia.
Benvenuta a #Venezia alla Presidente della Commissione Europea, Ursula von der Leyen e alla Commissaria per la Coesione e le Riforme, Elisa Ferreira
Welcome to #Venice Ursula von der Leyen, President of the European Commission and Elisa Ferreira, European Commissioner for… pic.twitter.com/dZr5LtSgYC
— Luigi Brugnaro (@LuigiBrugnaro) May 26, 2023
“Në planin e rimëkëmbjes janë parashikuar gjashtë miliardë euro për Italinë, të cilat duhet të përdoren për të ulur rrezikun e rrëshqitjeve të dheut dhe përmbytjeve”, tha presidentja e Komisionit.
“Për shembull, në shtratin e lumit “Po” duhet të bëhen ndërhyrje të konsiderueshme, me më shumë gjelbërim dhe heqjen e çimentos.
Në trajtimin e ndryshimeve klimatike, natyra duhet të bëhet aleati ynë kryesor”, shtoi von der Leyen.
Duke iu referuar vizitës së saj të djeshme në zonat e prekura të Emilia Romagna-s, ajo nënvizoi se “ka konstatuar se dëmet janë të mëdha por edhe se banorët kanë reaguar në mënyrë të jashtëzakonshme”.
“Këta janë “engjëj” të vërtetë, vullnetarë që mbërritën në zonë nga e gjithë Italia, së bashku me ekipe të specializuara të ndihmës nga Belgjika, Franca, Sllovenia dhe Sllovakia.
Bashkimi Europian është në anën e tyre”.theksoi presidentja e Komisionit Europian.
/abcnews.al
