“Goli i tyre? Ishte jashtë. Nuk e them unë këtë. Kështu thotë teknologjia. U tregua nga beIN Sports. Por jo VAR sepse ata nuk e panë”, tha Carlo Ancelotti pas ndeshjes kundër Manchester City.
“Më duket e çuditshme që nuk e kontrolluan siç duhet. Detaje të vogla, por arbitri nuk ishte shumë i vëmendshëm.
“Dhe mbi këtë mora një karton të verdhë dhe as që po luaja. Ai nuk po i kushtonte shumë vëmendje sepse lojtarët në fushë meritonin më shumë kartona të verdhë”, tha Ancelotti.
Real Madridi barazoi 1-1 të martën në ndeshjen e parë gjysmëfinale të Champions League kundër Man City.
Megjithatë, arbitri nuk dukej se ishte në krye të lojës së tij pasi lejoi që shumë ndërhyrje të rrezikshme të kalonin pa u ndëshkuar.
Kur City shënoi, ishte e qartë se topi kishte dalë jashtë loje, por VAR nuk e pranoi atë, ndërsa beIN Sports përdori teknologjinë 3-D për të përcaktuar se topi kishte dalë jashtë. /G.D abcnews.al/
Burimi: Real Madrid CF
