Mbreti Karl është kurorëzuar monark në Westminster Abbey dhe festimet janë në lulëzim të plotë në të gjithë Mbretërinë e Bashkuar me publikun të emocionuar pasi Kate Middleton dhe William mbërritën në ceremoni.
Princesha e Uellsit kishte vendosur një kurorë me lule nga Jess Collett dhe Alexander McQueen, me vathët e saj nga koleksioni Princess Diana. Kate gjithashtu kishte veshur gjerdanin George VI Festoon të Mbretëreshës Elizabeth II, i cili daton që nga viti 1950.
Sipas Times, Kate Middleton nuk do të vendosë diademë në ceremoninë historike në Westminster Abbey, por lule në flokët e saj dhe ky mund të jetë një gjest nderimi për monarkun, i cili ka një dashuri të madhe për natyrën.
Princesha e Uellsit po fliste me të pranishmit, të cilët nxituan t’i takonin nga afër disa 24 orë më parë dhe bëri një rrëfim, duke thënë se ndihej paksa “nervoze” për kurorëzimin.
Kate Middleton me mantel blu të Rendit Mbretëror Victorian, fustan Alexander McQueen me qëndisje mëndafshi të Fildishtë, mbërriti me fëmijët e saj, Princin Louis dhe Princeshën Charlotte.
Princi William veshi mantelin e tij blu të Urdhrit të Garterit mbi uniformën e kuqe ceremoniale të Gardës Uellsiane si kolonel i regjimentit./abcnews.al
