Bashkëthemeluesit e Google DeepMind dhe LinkedIn kanë krijuar një chatbot me inteligjencë artificiale të quajtur Pi i ngjashëm me Bard të Google dhe ChatGPT i OpenAI.
Përdoruesit e Pi do të jenë në gjendje të bëjnë biseda me chatbot, qoftë përmes një aplikacioni, ose përmes WhatsApp, Instagram dhe Facebook.
CEO i Inflection AI Mustafa Suleiman tha se chatbot është testuar nga përdoruesit për disa muaj, gjë që e bën atë të sigurt dhe të lehtë për t’u përdorur.
“Ka shumë gjëra që Pi nuk mund të bëjë. Nuk bën lista apo kode, nuk bën plane udhëtimi, nuk do të shkruajë strategjinë tuaj të marketingut apo detyrat tuaja të shtëpisë”, tha ai në një intervistë për Financial Times.
“Është krijuar për biseda të rastësishme dhe informuese. Ajo që bën shumë mirë është të ndihmojë kërkimin tuaj,” tha Suleiman, i cili ishte një nga tre themeluesit e DeepMind, i cili u themelua në MB në 2010 dhe u ble nga Google për 400 milion funte në 2014.
Megjithatë, tashmë, Inflection ka punësuar ekspertë të AI nga konkurrentë të ndryshëm, duke përfshirë OpenAI, DeepMind dhe Google. Në fillim të këtij viti, kompania ishte në bisedime për të mbledhur deri në 675 milionë dollarë nga investitorët.
