Për këdo tjetër do të na bënte përshtypje, jo për Jose Mourinhon.
Trajneri portugez nuk është më i duruar me gazetarët dhe këtë e dëshmoi edhe një herë pas humbjes së Romës nga Feyenoord.
Veçanërisht, “Special One” u zemërua kur një gazetar holandez bëri një krahasim të kësaj ndeshjeje të veçantë me atë të finales së Ligës së Konferencës vitit të kaluar, duke dhënë një nga përgjigjet e tij klasike “të mprehta”.
Në detaje çfarë tha ai:
“Ju keni qarë për dhjetë muajt e fundit. Por nuk duhet të kishe qarë. Ju e dini pse, sepse nuk mund të fitosh një ndeshje që ke humbur. E humbe lojën, nuk mund ta fitosh më. Problemi i vetëm tani është se jemi në pjesën e parë. Por të premtoj, nëse eliminohemi, do të fle dhe nuk do të qaj. Dhe nuk do të qëndroj për 10 muaj pa gjumë dhe me ankthe”. /G.D abcnews.al/
