Ftesa e teknikut Hansi Flick kundrejt Mërgim Berishës shkaktoi jo pak zhurmë në mediat gjermane, marrë në konsideratë edhe lënien jashtë të emrave të “mëdhenj” si Thomas Muller e Leroy Sane.
Vetë 24-vjeçari me origjinë shqiptare do të prononcohej si iu plotësua ëndrra e një jetë. Së fundmi raportimet nga Federata Gjermane e Futbollit e bënë akoma më interesante, me indicie kryesore dhënien e numrit 13 në fanellë.
Numri në fjalë korrespondon me fanellën e Thomas Muller, me 33-vjeçarin që e ka mbartur në Botërorin e 2014 dhe atë të 2022-shit.
Nga krahu tjetër, Flick vendosi që ta linte “bomberin” bavarez jashtë 2 sfidave të marsit, në miqësoret ndaj Perusë dhe Belgjikës, e për pasojë mund të ketë ndikuar edhe në dhënien e numrit 13 një tjetër lojtari, në këtë rast Berishës.
E paqartë është nëse ky skenar merr konotacionin e një kërcënimi për vendin e titullarit apo është zgjedhje rastësore. Mërgimi ka shansin e artë të realizojë debutimin në testet e mësipërme. /i.m /abcnews.al
