Lumi Drin në Lezhë ka humbur funksionet e tij natyrore duke u bërë rrezik për përmbytje, por ndërkohë është edhe shumë i ndotur.
Situata është krijuar pas devijimit total të rrjedhës natyrore të lumit drejt Bunës në Shkodër, duke lënë si rrjedhë të Drinit në Lezhë vetëm shkarkimet e përrenjve që sjellin argjile që bllokojnë shtratin e lumit. Në të derdhen edhe ujërat e zeza.
Eksperët e mjedisit, Jak Gjini dhe Zef Imeraj tregojnë shkaqet që kanë çuar në këtë gjendje lumin.
“Duke qenë se në investimet e bera në kaskadën e drinit ndryshoi edhe mënyra e anës negative që ka drini. Përmbytjet e drinit nuk janë më në tërësi.
E gjithë sipërfaqja e basenit të lezhës është e agresuar nga përdorimi I imputeve bujqësore ose plehrat kimikë.
Drini ka humbur aftësinë ujëheqëse për ta cuar në detin adriatik. Argjilat dhe llumrart e bllokuan pothuajse shtratin . Vit pas viti nga mungesa e rishikimit të argjinaturave gjithë sipërfaqja e zadrimës herë pas here përmbytet, për arsye sepse nuk kishin kapacitet ujëdheësh.”
Sipas ekspertëve situata mund të përmirësohet nëse bëhen ndërhyrje.
“Ndërhyhet në rivitalizimin e kanalit të drinit në ndalimin e plotë të hedhjes së ujërave të zeza dhe hedhjes së mbetjeve të ndryshme nga kiompanitë që dëmtojnë.”
Lumi Drin i Lezhës është një kërcënim i vazhdueshëm për ndotje dhe nuk po kryen siç duhet edhe anën e kullimit. Për këtë arsye nuk mungojnë aromat e forta në qytet dhe problematika që i krijon lagunave Kune – Vain për tjetërsimin e habitateve./abcnews.al
