Loading ...
Universitetet në Turqi nuk do të hapen deri në një njoftim tjetër për shkak të tërmetit që goditi 10 provinca, sipas një deklarate nga Këshilli i Arsimit të Lartë të Turqisë. Ministri i Arsimit i Turqisë Mahmut Ozer gjithashtu njoftoi se shkollat në mbarë vendin do të mbyllen deri më 20 shkurt.
Në deklaratë thuhet se do të ishte e vështirë për studentët nga rajonet e goditura nga tërmeti që ndjekin shkollat në rajone të tjera që të përqendrohen në studime pasi ata kanë të afërm që janë prekur drejtpërdrejt nga fatkeqësia ose po marrin pjesë në aktivitetet e kërkim-shpëtimit.
“Dhjetëra mijëra mësues tanë janë në terren. Prandaj, për të mos prishur këtë proces, ne po e zgjasim edhe një javë pushimin dimëror deri më 20 shkurt, që ishte më parë deri më 13 shkurt në 71 provinca të Turqisë.” tha Ozer në një video të postuar në llogarinë e tij në Twitter. /abcnews.al
