Mes britmash gëzimi dhe duartrokitjesh, ekipet e shpëtimit në veri të Sirisë arritën të shpëtojnë anëtarët e një familjeje të bllokuar në rrënojat e një pallati pas tërmetit të madh në Siri dhe Turqi. Për 40 orë ata qëndruan në rrënoja, por në fund ia dolën, duke shkaktuar emocione të shumta për të gjithë.
Në video shfaqen përpjekjet e “Helmetave të Bardha ”, të cilat nxjerrin në sipërfaqe tre fëmijë dhe një të rritur. Kujtojmë që deri më tani numri i personave që kanë humbur jetën në Siri ka kaluar mbi 1 mijë ndërsa shumë të tjerë janë plagosur. Ekipet vijojnë kërkimet për të shpëtuar të tjerë nën rrënoja.
/abcnews.al
