Gjykata Penale e Dolores dënoi lojtarët e rugby Maximo Thomsen, Enzo Comelli, Matias Benicelli, Ayrton Violaz, Blas Cinalli, Luciano, Lucas dhe Ciro Pertossi si fajtorë për vrasjen e Fernando Sosa më 18 janar 2020 përballë klubit të natës “Le Brique” në Villa Gesell, Argjentinë.
Pesë nga të pandehurit morën burgim të përjetshëm për krimin e vrasjes së djaloshit atë natë. Tre të pandehurit e tjerë morën nga 15 vite dënim si pjesëmarrës dytësor në krim. Më në fund ky proces gjyqësor ka marrë fund pas 13 seancash, 3 vjet e 17 ditë pas vrasjes.
Gjyqi përfundimtar është dashur të ndërpritet për disa minuta pasi në momentin ku njëri prej të pandehurve dëgjon vendimin e gjykatës për burgim të përjetshëm, bie pa ndjenja në sallë.
Pesë lojtarët e rugby të cilët morën dënimin me burgim të përjetshëm, rrahën brutalisht të riun me grushte e shkelma në dalje të lokalit pranë bregdetit.
Viktima ishte një djalë shëmbullor i zonës dhe vdekja e tij krijoi trazira të mëdha pasi u realizuan edhe protesta të mëdha./ h.ll/abcnews.al
Máximo Thomsen se desvanece en el momento de la sentencia. Según cuentan, la que grita “un médico, por favor!” es Graciela, la mamá de Fernando. Que mujer, que corazón, por favor. pic.twitter.com/EOpqGLn3OI
— Pablo Mosquera (@pablomosquera) February 6, 2023
