Gazetari i Abc News, Roland Beqiraj raporton se pak minuta më parë është zhbllokuar pika kufitare e Qafë Thanës. Radhë të gjata makinash ishin krijuar që prej orës 6 të mëngjesit të sotme për shkak të mosfunksionimit të sistemit TIMS me doganën e Maqedonisë së Veriut.
Nga informacioni më i fundit i dhënë nga Ministria e Brendshme e Maqedonisë së Veriut, ka defekt sistemi i kufirit në të gjitha PKK e vendit e po punohet intensivisht për ta riparuar. Gazetari raportoi gjithashtu se po veprohet manualisht pasi sistemi është ende jashtë funksionit.
Sipas tij, punonjësit kanë punuar me dy standarte pasi qytetarët maqedonas që hynin drejt Shqipërisë janë lejuar që të kalonin duke bërë regjistrimin në mënyrë manuale.Vetëm së fundmi është bërë e mundur që qytetarët shqiptarë të mund të hyjnë në Maqedoni duke u regjistruar manualisht./abcnews.al
