Loading ...
Dramat te Juventus nuk kanë mbaruar ende, me “bardhezinjtë” e Torinos që rrezikojnë të humbin dhe 20 pikë të tjera nga klasifikimi.
Federata Italiane e Futbollit (FIGC) vazhdon të hetojë mashtrimin e klubit me pagat e futbollistëve gjatë pandemisë, citon prestigjiozja italiane, “Corriere dello Sport”, me kryeprokurorin e federates që synon të kërkojë heqjen e të paktën 20 pikëve të tjera në renditjen e “zonjës së vjetër”.
Çështja u mbyll fillimisht më 29 janar, por zbulimi i dokumenteve të reja, çoi prokurorinë e Federatës Italiane të Futbollit të kërkonte zgjatjen e periudhës së hetimit edhe për 40 ditë të tjera duke e shtyrë marrjen e vendimit për në mars.
Ndërkaq, hetimi pas afatit mund të kthehet në një nga argumentet mbrojtëse për Juventusin, me klubin që më herët i janë hequr 15 pikë për mashtrim financiar, ku momentalisht ndodhen në vendin e 13-të, në Serie A me vetëm 23 pikë. /i.m /abcnews.al
