Loading ...
Ka marr fund arratia e dy të rinjve të shpallur në kërkim për atentatin ndaj shtetasit Preng Paluca dhe bashkëshortes së tij.
Policia spanjolle njoftoi sot arrestimin e dy të rinjve shqiptarë, përkatësisht Hektor Ndoka dhe Edmir Vlashi, për llogari të drejtësisë shqiptare.
Sipas bluve Edmir Vlashi dhe Hektor Ndoka kishin planifikuar të kryenin vrasjen e Preng Palucës, por që fatmirësisht ngjarja u parandalua nga policia.
Si ndodhi ngjarja?
Çiftit i bashkëshortëve Preng dhe Antoneta Paluca, u zunë në pritë në afërsi të banesës së tyre në Kamëz.
Përgjatë rrugicës që të çon për në shtëpinë e tyre, ndodheshin vetëm 4 kamera sigurie të vendosura në biznese. Pas këqyrjes, ka rezultuar se asnjëra prej tyre nuk ka pasur fushëpamje të qartë e të fiksonte targën e mjetit të autorëve, ç’ka ndihmoi hetuesit për të rënë në gjurmët e tyre.
Nga hetimet ka rezultuar se në mjetin e autorëve ndodheshin dy persona, njëri prej të cilëve ka qëlluar me pistoletë.
Por, për të zbardhur dinamikën e plotë, policisë i është dashur të marrë dëshminë e 50 vjeçarit Preng Paluca dhe gruas së tij. Ai ka treguar se sapo ka hapur derën e makinës për të shkuar në banesë, autori i është afruar duke i vendosur dorën në xham dhe e ka qëlluar. Në atë moment, ka shpjeguar Paluca, ka tentuar t’i heqë armën, por duke u hasur në rezistencën e tij, autori është larguar.
50 vjeçari mori vetëm një plumb. Ai e preku fillimisht në dorë, ndërsa predha i përshkroi në brinjë. E njëjta predhë kapi në këmbë edhe bashkëshorten e tij, Antoneta Palucën, 41 vjeçe.
