Si zgjidhet skena e një seriali apo një filmi? Dhe nëse zhvillohet në një hotel luksoz , cili mund të jetë ndikimi për këtë?
Me vila të bollshme baroke, kopshte ekzotike, peizazhe dramatike, art të lashtë dhe një atmosferë magjepsëse, Siçilia ishte mjedisi i përsosur për sezonin e dytë të komedisë së errët të HBO, The White Lotus.
Seriali i vlerësuar me çmime ndjek aventurat e ngatërruara, dashurore dhe ndonjëherë të rrezikshme të pushuesve të pasur që qëndrojnë në Pallatin e bukur të San Domenico, një vendpushim me pesë yje i operuar nga Four Seasons në Taormina, Siçili.
Të ftuarit në hotelin imagjinar The White Lotus, hoteli me të njëjtin emër të serialit, rrinë në ballkone të ngrohta me pamje nga deti Jon ndërsa shijojnë kapuçino dhe briosh të ngrohtë.
Xhirime për dy muaj në hotel – Dhoma më e lirë kushton 1400 dollarë nata
Për të portretizuar këtë përvojë luksoze, HBO “bleu” San Domenico për dy muaj duke filluar nga shkurti, sipas një zëdhënësi të kompanisë mëmë të hotelit, Four Seasons Hotels and Resorts. Një sipërmarrje e tillë duhet të ketë kushtuar shumë shtrenjtë, duke pasur parasysh se një epror, një nga më të lirat nga 111 dhomat totale të hotelit, kushton rreth 1400 dollarë nata. Sigurisht që ka edhe shumë më të shtrenjta, si suita “Princess Cecilie”, e cila ka një holl dhe sallon të veçantë dhe kushton më shumë se 6200 dollarë nata.
Rezervimet u rritën në qiell pas transmetimit të emisionit
Rezultatet flasin vetë. Resorti ka ngjallur natyrshëm interesin e shikuesve që kur sezoni 2 i The White Lotus u shfaq premierë më 30 tetor, sipas stafit të hotelit dhe drejtuesve.
Lorenzo Maraviglia, menaxheri i përgjithshëm i San Domenico, i tha Daily Beast se ndikimi i serialit në prenotime është “i dukshëm”. “Ne e prisnim këtë deri diku, megjithëse nuk ishte shqetësimi ynë kryesor kur vendosëm të punonim me HBO”, u shpreh Maravilla. “Interesi vjen kryesisht nga tregu amerikan dhe megjithëse SHBA ka qenë gjithmonë një kartë e fortë për ne, do të thosha se seriali i ka bërë ata një lojtar edhe më të fortë”./abcnews.al
