Traditat për festimin e Vitit të Ri po ndryshojnë pas vdekjes së Mbretëreshës Elizabeth, ndaj familja mbretërore do ta përjetojë ndryshe festën për ardhjen e vitit 2023.
Në të kaluarën, Mbretëresha Elizabeth ka qenë në kishë në natën e Vitit të Ri, veçanërisht në kishën e Shën Marisë Magdalene në Sandringham.
Tradita kishtare e natës së Vitit të Ri ishte prishur vitet e fundit për shkak të kufizimeve të Covid dhe shëndetit në rënie të Mbretëreshës dhe Princit Philip. Megjithatë, këtë vit, Mbreti Charles pritet të kthehet në traditë dhe t’u japë fansave mbretërorë mundësinë për të parë familjen mbretërore në një mjedis komod dhe intim të pasurisë së tyre të dashur.
Prapëseprapë, është zakon që monarku të marrë pjesë në një shërbim të Vitit të Ri në Sandringham, të cilin përsëri e kishte parandaluar shëndeti i keq i Elizabeth dhe kufizimet Covid.
Megjithatë, ka të ngjarë që Mbreti Charles do të dëshirojë të shkojë në vitin e ri me një vizitë publike në kishën lokale dhe gjithashtu ka të ngjarë të bashkohet me miqtë dhe familjen, përfshirë Princeshën Anne.
Kate Middleton dhe Princi William zakonisht festojnë Vitin e Ri në Norfolk ose ndonjëherë me prindërit e Kate në Buckinghamshire./abcnews.al
