Dyshohet për krime lufte, arrestohet ish-polici serb në veri të Mitrovicës

Një ish polic nga komuniteti serb është arrestuar nga policia e Kosovës pasi dyshohet se ka kryer krime lufte.

Mësohet se shtetasi me iniciale S.T është arrestuar ditën e djeshme.

Burime të KosovaPress-it bëjnë të ditur se ai është arrestuar për shkak të dyshimeve për krime lufte në rajonin e Vushtrrisë.

Sipas këtyre burimeve, i arrestuari është nga fshati Novolan i Vushtrrisë, ndërsa ka shërbyer në Policinë e Kosovës – stacioni Mitrovicë Veriore nga viti 2013 deri para disa ditësh kur ka lënë shërbimin./abcnews.al/