Ish-kryeministri britanik është shpallur qytetar nderi i kryeqytetit të Ukrainës. Kryebashkiaku i Kievit, Vitali Klitschko tha se Boris Johnson ishte një “mik i madh i Ukrainës”, sipas skynews.
“Johnson ka bërë dhe, jam i sigurt, do të vazhdojë të bëjë gjithçka që është e mundur për të siguruar që Britania e Madhe dhe liderët botërorë të ofrojnë ndihmën e nevojshme për Ukrainën.
Faleminderit për mbështetjen! Ne të presim përsëri në Kiev për të dhënë këtë çmim të nderuar!” tha ai.
Johnson ishte një nga liderët e parë botërorë që vizitoi Kievin që nga fillimi i luftës. Edhe pse u detyrua të largohej nga posti i kryeministrit, ai ka vazhduar të tregojë mbështetje për Ukrainën.
/abcnews.al
