Kryeministri Edi Rama ka mbledhur fermerët në një bashkëbisedim në Berat, ku është ndalur fillimisht tek agroturizmi.
Rama nënvizoi rëndësinë e këtij sektori, ndërsa tha se në një investim të tillë mund të ketë më shumë fitime se sa puna jashtë shtetit.
“Kur ne kemi nisur këtë proces dhe kemi filluar të nxisim agroturizmin, në Shqipëri s’kishte një sistem agroturizmi. Sot ky sistem është në fazën e tij embrionale akoma edhe pse në të gjithë territorin tani kemi agroturizëm, por potenciali i zhvillimit të këtij sistemi, potenciali ekonomik, është i gjithi për t’u zhvilluar. Kemi zbërthyer një minimum të minimumit të potencialit turistik. Por ka rëndësi që kemi sot shembuj konkret se si dikush që ka një pronë, në fshat, një shtëpi të vjetër, të trashëguar, në funksion të agroturizimit bën një biznes që është shumë më fitimprurës se sa të punojë jashtë për të tjerët”, tha Rama. /abcnews.al
