Një moment i pabesueshëm në fund të detit është kapur nga kamera e një zhytësi në brigjet e British Columbia. Andrea Humphreys dhe një grup miqsh të saj u zhytën në ujërat e detit Salish, në brigjet lindore të ishullit Vankuver. Ekipi e gjeti veten duke kërkuar për një oktapod gjigant të Paqësorit.
“Njerëzit thonë se këtu është errësirë. Por kur keni dritë, shihni çdo ngjyrë të ylberit. Është e pabesueshme. Unë kam bërë mbi 675 zhytje dhe mendoj se këto janë disa nga zhytjet më të mira në botë , “tha Andrea Humphreys në një intervistë për gazetën britanike The Guardian.
Humphreys tha se herë pas here i sheh oktapodët gjigantë në vendet e tyre të fshehura, por këtë herë, ekipi u përball me një dukuri të rrallë: oktapodi gjigant iu afrua dhe filloi të luante me maskën e saj. Kamera kapi oktapodin që po afrohej gjithnjë e më shumë ndërsa tentakulat e tij hapeshin derisa e përqafoi.
“Ai thjesht po zvarritej në kamerën time, zvarritej duke më përqafuar. Këto tentakula të mëdha ishin mbi fytyrën time dhe maskën time, “tha ajo. “Sa herë që largohesha, oktapodi vazhdonte të vinte drejt meje. Dhe ishte thjesht kaq e mahnitshme.”
