Presidenti francez Emmanuel Macron e ka cilësuar thirrjen e presidentit rus Vladimir Putin për “mobilizim të pjesshëm” të qytetarëve rusë një gabim.
Po ashtu, Macron u shpreh se ky është një rast i humbur për të shkuar drejt paqes.
“Disa muaj më parë Vladimir Putin përcolli një mesazh: Më agresoi NATO. Ata e nisën situatën dhe unë thjesht reagova. ‘Tani është e qartë për të gjithë se kush është lideri që vendosi të shkojë në luftë dhe lideri që vendosi ta përshkallëzojë situatën është Presidenti Vladimir Putin,” tha Macron në një intervistë për CNN.
“Dhe nuk kam një shpjegim logjik,” shtoi ai , që ta quaj pushtimin strategji për ndërhyrjen e gjermani pasi një pasojë post-Covid pasi Putini u izolua gjatë pandemisë.
Çfarë nënkupton plani i Putinit për mobilizimin e rusëve
Njoftimi i presidentit rus Vladimir Putin për një mobilizim të pjesshëm të qytetarëve vjen pas lëvizjeve të martën nga dhoma e ulët e parlamentit të Moskës, Duma e Shtetit, për të ndryshuar ligjin për shërbimin ushtarak.
Kështu ashpërsohet dënimi për shkeljen e detyrave të shërbimit ushtarak, si dezertimi dhe evazioni nga shërbimi, sipas për agjencinë shtetërore të lajmeve TASS.
Projektligji parashikon një dënim deri në 15 vjet burg për rezistencën në lidhje me shërbimin ushtarak ose detyrimin për të shkelur një urdhër zyrtar ushtarak, që përfshin dhunën ose kërcënimin e tij, gjatë periudhës së mobilizimit ose gjendjes ushtarake, raporton CNN, përcjell Abcnews.al
Deputetët dhe senatorët e Dumës së Shtetit kanë përgatitur gjithashtu ndryshime në Kodin Penal të Federatës Ruse, duke propozuar vendosjen e përgjegjësisë deri në pesë vjet burg për shkatërrimin ose dëmtimin nga pakujdesia gjatë përdorimit të armëve dhe pajisjeve ushtarake gjatë kohës së luftës, njoftoi agjencia shtetërore e lajmeve RIA Novosti, transmeton CNN.
Deputetët në Dumën e Shtetit kanë futur konceptet e “mobilizimit”, “ligjit ushtarak”, “kohës së luftës” dhe “konfliktit të armatosur” në Kodin Penal të Rusisë, të cilat tani do të konsiderohen si faktorë rëndues në dënimin penal.
Megjithëse njoftimi i Putinit të mërkurën nuk ka arritur të ketë një draft të plotë në shkallë të gjerë, siç kishin parashikuar disa, ai shënon një lëvizje të rëndësishme në luftën e nisur në shkurt dhe i ofron Rusisë kompetenca të gjera për të rekrutuar qytetarët e saj me përvojë të mëparshme ushtarake.
Nuk është e qartë se sa njerëz me këtë përvojë janë mobilizuar tashmë. Kujtojmë këtu se një numër analistësh janë shprehur se ushtria ruse përballet me mungesë të konsiderueshme të fuqisë ushtarake.
Në korrik, CNN raportoi se thirrja ishte bërë në të gjithë Rusinë për më shumë se 30,000 vullnetarë për t’iu bashkuar përpjekjeve të luftës në Ukrainë. Atyre u ishte thënë se do merrnin një sasi të madhe parash si shpërblim dhe se eksperienca nuk ishte e nevojshme. /abcnews.al/
