Rreth 29 miliardë monedha me portretin e Mbretëreshës Elizabeth II janë aktualisht në qarkullim në Mbretërinë e Bashkuar, si dhe në vende të Komonuelthit si Australia, Zelanda e Re dhe Kanadaja. Me mbretin Charles III tani një monark, monedhat që mbajnë imazhin e tij duhet të hidhen në qarkullim.
Mirëpo, monedhat që shfaqin Elizabeth nuk do të hiqen së shpejti, sipas specialistit të monedhave Dominic Chorney në AH Baldëin & Sons. “Unë nuk e imagjinoj se do të ketë një përpjekje të përbashkët për të hequr monedhat e saj nga qarkullimi,” tha Chorney për CNBC.
“Monedhat elizabetiane do të zhduken me kalimin e kohës, por unë mendoj se do të qarkullojnë për dekada. Këto monedha zakonisht mund të qarkullojnë për rreth 30 vjet pa u konsumuar shumë. Monedhat e portretit të Elizabeth janë ende të ligjshme, nuk ka asnjë arsye të vërtetë për t’i hequr ato” shtoi ai.
Kjo “do të thotë që ne do të kemi monedha të mbretit Charles III që qarkullojnë së bashku me monedhat e Mbretëreshës Elizabeth II, e cila është unike në historinë moderne, sepse askush nuk mban mend të ketë parë dy monarkë të ndryshëm në qarkullim,” shtoi Chorney. /abcnews.al
