Zelensky është takuar me kreun e mbikëqyrësit bërthamor të OKB-së, i cili do të drejtojë një ekip ekspertësh për të inspektuar termocentralin bërthamor të Zaporizhzhia, sipas The Guardian.
Drejtori i Përgjithshëm i Agjencisë Ndërkombëtare të Energjisë Atomike (IAEA), Rafael Grossi, mbërriti në kryeqytetin ukrainas të hënën, me një ekip prej 14 personash.
Zelensky tha se misioni ishte “ndoshta një nga çështjet me prioritet në lidhje me sigurinë e Ukrainës dhe botës sot”, dhe bëri thirrje për “çmilitarizimin e menjëhershëm të centralit” dhe transferimin e tij në “kontrollin e plotë të Ukrainës”.
The @iaeaorg mission headed by the agency’s general director @rafaelmgrossi met with @ZelenskyyUa in #Kyiv. The President of #Ukraine hopes that the mission will get to the #ZaporizhzhiaNPP through security corridors and will do everything “to avoid a global threat.” pic.twitter.com/Y5vjsG7FdZ
— SUSPILNE NEWS ? (@suspilne_news) August 30, 2022
Presidenti ukrainas tha se shpresonte që delegacioni “do të gjente një mundësi, falë shërbimeve tona speciale, falë korridoreve të sigurisë, për të arritur në stacion dhe për të bërë më të mirën për të shmangur të gjitha ato kërcënime në shkallë globale”.
Ai i kërkoi gjithashtu misionit të bënte më shumë sesa të inspektonte centralin, duke thënë se nevojiteshin vendime strategjike “në lidhje me demilitarizimin urgjent të stacionit, tërheqjen e të gjithë personelit ushtarak të Federatës Ruse.”
/abcnews.al
