Reshjet e mëdha të shiut në Shkup, kanë shkaktuar në kryeqytetin maqedonas përmbytje të mëdha, me rrugë, parkingje, bodrume të përmbytura dhe njerëz të bllokuar në makina.
Stuhia që përfshiu kryeqytetin e Maqedonisë së Veriut, bëri që kryetarja e qytetit, Danella Arsovska, ta mbledhë urgjentisht Shtabin e Krizës.
Ekipet ndodhen në terren, por për momentin nuk ka informacione për dëmet e shkaktuara.
@tetovanews East Gate Mall nën ujë #Skopje East Gate Mall #flooded | Поплавен Ист Гејт Мол #poplava #nevreme #EastGateMall #nevrijeme #flood #flooding #flood ♬ original sound – Tetova News
Reshjet e shiut kanë bllokuar më shumë rrugë të Shkupit, ndërkohë që erërat e forta kanë rrëzuar pemë, të cilat kanë dëmtuar automjetet dhe sistemin e furnizimit me energji elektrike, duke lënë pa rrymë shumë ndërtesa.
Përmbytjet kanë bllokuar urën e sheshit Skënderbeu, nën të cilën kishin mbetur të bllokuar brenda një mjeti transportues 15 persona. Pas intervenimit të zjarrfikësve, qytetarët e bllokuar janë evakuuar./abcnews.al/
