Shkoi në shtëpi në gjendje të dehur, 30-vjeçari i kërkoi lekë nënës para se ta godiste disa herë me thikë

Nuk dihen ende arsyet që e kanë shtyrë 30-vjeçaron Klodjan Çobaj të godasë disa herë me thikë nënën e tij, Donika Çobaj, e cila ndodhet në spital në gjendje të rëndë.

Lexo edhe: Plagosi nënën me thikë dhe iku nga banesa, flasin fqinjët e 50 vjeçares në Fier: Dëgjuam fjalë, djali nuk ishte problematik

Dyshimet e deritanishme janë se në momentin e krimit të rëndë, ai mund të ketë qenë nën efektin e pijeve, të dyshuara alkoolike apo narkotike dhe mund t’i ketë kërkuar nënës së tij lekë.

Ndërkohë, fqinjët e 50-vjeçares të plagosur kanë treguar se djali i saj jetonte në Gjermani dhe kishte 20 ditë që ishte kthyer. Ata kanë thënë se dëgjuan fjalë para ngjarjes, por nuk kanë parë se çfarë ndodhi. /abcnews.al