Ekonomia shqiptare ka pasur një rritje pozitive në tre muajt e parë të këtij viti.
Sipas të dhënave të INSTAT në periudhën janar-mars prodhimi i brendshëm bruto pati një rritje me 5,97 % krahasuar kjo me të njëjtën periudhë të një viti më parë.
Ndërtimi duket se ka vijuar të ketë peshën kryesore në ecurinë ekonomike dhe për tre muajt e parë ka shënuar një rritje me 1,95%.
Po ashtu ndikim pozitiv në ekonomi ka dhënë edhe nëngrupi Tregti, Transport, Akomodim dhe Shërbim ushqimor me 1,55 % si dhe Aktivitete të pasurive të paluajtshme me 0,91%.
Sektori i Bujqësisë ku janë të vetëpunësuar një numër i konsiderueshëm i shqiptarëve vijon të mos ketë rritje.
Të dhënat e INSTAT tregojnë se gjatë periudhës janar-mars sektori i bujqësisë ka mbetur në vend dhe ka stopuar rritjen.
Negativisht kontribuan aktivitetet: Arte, argëtim dhe aktivitete të tjera shërbimi me -0,35%, Administrata publike, Arsimi dhe Shëndetësia me -0,18%.
Kjo rritje ekonomike nuk përfshin krizën e çmimeve që ka përfshirë vendin .Në Shqipëri rritja e çmimeve u bë e ndjeshme pjesën e dytë të muajit mars ku karburantet dhe ushqimet kapën nivele rekord.
Ekspertët parashikojnë që kriza e çmimeve do të japë efekte negative në ecurinë ekonomike në tremujorët në vijim .
Institucionet Ndërkombëtare Financiare si FMN dhe BB parashikojnë që rritja ekonomike gjatë këtij do të rritet ketë vit me vetëm 2%, nga 4.5% që ishte parashikimi fillestar./Abcnews.al/
