Gjykata e Shkodrës la në burg Bajrush Bregun dhe shokun e tij Bajram Çekojan, të cilët u arrestuan gjatë operacionit “Kompleksi” në Tiranë.
Bregu 33 -vjeç ishte në kërkim për trafik të lëndëve narkotike dhe armëmbajtje pa leje.
Më parë ky person ka qenë i dënuar me 4-vjet burg për kultivim të bimëve narkotike dhe me masë sigurie “arrest me burg”, pasi në shtëpinë e tij në 2018 u gjet një kallashnikov dhe municion luftarak.
Gjithashtu sipas policie Bregu është i skeduar si pjesëtar i një grupi kriminal dhe i dyshuar edhe si autor për ngjarje të rënda kriminale që kanë ndodhur në Shkodër.
Bregu dhe Çekoja ishin strehuar në Tiranë në një shtëpi me qira në zonën e Komunës së Parisit./ABC News Albania 24/7
