Loading ...
Kreu i grupit parlamentar të Partisë Socialiste, Taulant Balla hodhi akuza mbi pengesat që ka bërë opozita për investimet dhe projekte që ka bërë qeveria Rama.
Në fjalën e tij në parlament, Taulant Balla tha se opozita i kundërvihet çdo projekti dhe investimi që bëhet në Shqipëri.
Balla nuk nguroi të përmende ndërtimin e parkut të lojërave në Liqenin Artificial si dhe projektin e Astirit, të cilat opozita i ka luftuar.
Me ironi ai foli për Klevis Balliun dhe Genc Strazimirin, përfaqësues të PD-së që kanë dalë kundër investimeve të qeverisë.
Balla u shpreh se kur të krijojnë partinë e re, ta quajnë atë partia kundër investimeve.
“I lini gjërat rrugëve. E keni sëmundje këtë. Një punë në jetën tuaj nuk keni mbaruar. E mbani mend këndin e lojërave tek parku I liqenin. Heroi, Genc Strazimiri që doli me pistoletë për të ndaluar këndin e lojërave. Po Klevis Balliun heroin e heshtur të Astirit, ku është ky çuni I Fahriut? Djalë që punoi fort. Njësoj është puna juaj, ju po patë një investim të mirë, një gjë që punohet, ju i turreni të gjithëve. Kur ta bëni këtë partinë e re, quajeni partia kundër investimeve”, tha Ballla.
Kreu i grupit parlamentar të Partisë Socialiste tha se për ngritjen e një Komisioni Hetimor duhet të respektohet Kushtetuta dhe se nuk mund të ngrihet sipas qejfit.
“Tani kur propozoni ngritjen e një Komisioni, sa i përket pjesës përmbajtësore, varianti i parë nuk respekton parimin e shtetit të së drejtës. Nuk ngrihet një Komision Hetimor për çfarë keni qejf ju. Së pari duhet të respektohen parimet kushtetues”, tha ai. /abcnews.al/
