Foshnjat vendosin ta shohin botën kur ne jemi më pak të përgatitur, pra gjatë natës. Shpesh pyesim veten nëse shkencëtarët kishin një përgjigje se përse fëmijët vijnë në jetë kryesisht gjatë natës, por disa kërkime hedhin më shumë dritë për këtë. Duket se ka një arsye evolucionare.
Mund të ketë qenë më e sigurt për paraardhësit tanë të lindnin natën, pasi komunitetet mblidheshin në shpellat e tyre kur binte errësirë, në mënyrë që t’i ofronin nënës së re më shumë mbrojtje dhe ndihmë. Nata mund të ketë qenë gjithashtu një kohë më e sigurt për një grua për të lindur atëherë, pa frikë nga grabitqarët.
Por ndoshta trupi i nënës ka gjithashtu një arsye që mund të kontribuojë në lindjet e natës, pasi hormonet luajnë një rol të madh në arsyen pse foshnjat duan të shohin botën gjatë natës. Melatonina, ky hormon që na ndihmon të flemë të qetë, gjithashtu ndihmon në fillimin e lindjes.
Ndonjëherë mund të jetë shumë e vështirë për një grua shtatzënë të bjerë në gjumë, por sasia e melatoninës rritet deri në fund të shtatzënisë. Ky hormon i bën kontraktimet më të forta kur kombinohet me hormonin e lindjes, oksitocinën. /abcnews.al
