Ministria e Mbrojtjes të Mbretërisë së Bashkuar ka dhënë detaje mbi situatën në Ukrainë. Ministria thotë se forcat ruse në Donbas ka të ngjarë të operojnë në grupime gjithnjë e më të rastësishme dhe shumë të pakontrolluara.
Në një deklaratë theksohet se autoritetet ukrainase kanë thënë se disa grupe taktike të batalioneve ruse, që zakonisht do të komprometonin 600-800 persona, tani përbëhen vetëm nga rreth 30 ushtarë.
Disa javë pas pushtimit, Rusia ndryshoi strategjinë e saj për t’u fokusuar në Donbas, rajoni në Ukrainën juglindore ku grupet separatiste të mbështetura nga Rusia kanë luftuar për tetë vjet.
Luftimet në vijën e parë janë shpesh midis grupeve të vogla në këmbë në të dyja anët, thotë Ministria e Mbrojtjes, gjë që i bën disa nga avantazhet e përgjithshme të Rusisë, të tilla si të kesh më shumë tanke se Ukraina, më pak të rëndësishme.
“Kjo ka të ngjarë të kontribuojë në ritmin e vazhdueshëm të avancimit të ngadaltë,” përfundon ministria britanike. /abcnews.al
