Një ish-ushtarak i forcave speciale, ka nisur një “karrierë” të re, pasi është larguar nga ushtria.
Ish-ushtaraku 38-vjeçar Guillaume Vetier, në një intervistë për “The Sun” ka treguar se tani ai është shndërruar në një “vrasës” me pagesë.
Në të vërtetë Guillaume Vetier punësohet nga VIP-at për të gjetur të meta dhe difekte në rezidencat e tyre superluksioze, në mënyrë që ata të marrin masa që kjo mos u ndodh nga keqbërës realë.
Ai ka rrëfyer se si është punësuar nga klientët e pasur për të provuar çdo mënyrë të mundshme për të depërtuar në pronat e tyre ose qarqet e sigurisë-dhe për t’i sulmuar ata.
Ekipi i tij është pothuajse i gjithë ish-personel i forcave speciale me një nivel të lartë trajnimi luftarak të ngushtë dhe përvojë në terren. Ata janë të aftë që të shmangin disa nga sistemet më të mira të alarmit dhe rojet e sigurisë në botë.
Sipas “The Sun”, më pas ata përdorin plumba bojë të rreme dhe “thika” me stilolaps, për të stimuluar një sulm nga klientëve të tyre.
Guillaume, i cili është CEO i firmës së tij “Golem Protection”si dhe merr pjesë në misione në terren është shprehur:
“Pra, puna jonë më parë ishte t’i merrnim njerëzit me të vërtetë. Dhe tani ne po i mbrojmë ata. Ne po vijmë nga ana e kundërt e gardhit. Klientët tanë janë zakonisht personalitete, njerëz të biznesit të profilit të lartë ose VIP-a të pasur nga e gjithë bota”.
“Paguhem për të hyrë në rezidencat miliona
“Ata na punësojnë sepse mund të kenë dyshime për sigurinë e tyre, mund të ndjejnë rrezik për jetën e tyre ose jetën e familjes, pronën, sendet apo sekretet e tyre. Ne shpenzojmë shumë kohë duke vlerësuar pronën, duke parë çdo mënyrë të mundshme për të hyrë brenda. Është me të vërtetë si një operacion ushtarak dhe unë duhet të jem jashtëzakonisht i kujdesshëm për atë që them gjithmonë sepse nuk duam t’u japim ide të këqija njerëzve të këqij”, ka shtuar ai.
Pesë këshillat kryesore të Guillaume për të shmangur një bastisje në shtëpinë tuaj:
Mbylleni mirë
Për profesionistët si ne do të duheshin rreth 10 sekonda për të hyrë në një shtëpi të zakonshme, por ka hapa që mund të ndërmerrni për të mbrojtur shtëpitë tuaja. Së pari 40 për qind e thyerjeve ndodhin pa thyer asgjë nga ndërhyrësi sepse njerëzit largohen. Dyert ose dritaret e hapura ose çelësat rezervë jashtë ose në kuti të vogla, gjenden lehtësisht. Kjo është si një ftesë, prandaj mos harroni të mbyllni.
“Paguhem për të hyrë në rezidencat miliona
Siguroni oborrin tuaj
Në varësi të hapësirës që keni, mund të përdorni përforcime territoriale si gardhe strategjike ose shkurre me gjemba, por përdorni ato në mënyrë të mençur, mos keni shumë vende ku njerëzit mund të fshihen, pemë ku mund të fshihemi ose sende që bëjnë shumë hije – mbani mend se ne jemi njerëz të hijeve.
Siguroni dyert rrëshqitëse
Mund të instaloni bravë më të sigurt në dyer dhe dritare. Mund të vendosni gjithashtu një copë druri ose plastikë për të mos lejuar hapjen e dyerve rrëshqitëse nga jashtë. Mos harroni se këto gjëra nuk do të jenë qind për qind të sigurta që nuk lejojnë dikë të hyjë – veçanërisht nëse ata janë të vendosur, por kjo mund ta bëjë ndërprerjen më të ngadaltë dhe më të vështirë.
Mos tregoni sa të pasur jeni
Sigurohuni që të mos tregoni televizorë dhe laptopë, ose sende të tjera të shtrenjta përmes dritares tuaj. Mund të vendosni një pasqyrë ose diçka në dritaret tuaja dhe nuk lejojnë që të duken gjërat brenda. Mbajini makinat dhe motoçikletat në garazh dhe jo në pjesën e përparme ose në kopshtin tuaj.
“Paguhem për të hyrë në rezidencat miliona
Njihni fqinjët tuaj
Shumë njerëz, veçanërisht në qytete, thjesht hyjnë dhe dalin dhe nuk i njohin fqinjët e tyre. Përpiquni t’i njihni ata pasi ata mund t’ju bëjnë të ditur nëse ka ndonjë problem. Disa njerëz krijojnë grupe Ëhatsapp në lagjet e tyre në mënyrë që ata të mund të njoftojnë njëri-tjetrin nëse dëgjojnë tinguj të çuditshëm ose person të dyshimtë, ndonjëherë edhe të lidhur me zbatimin e ligjit. Gjithashtu mund të merrni një qen – ata janë si alarmet e gjallë – qentë janë fantastikë.
