Koreja e Veriut ka regjistruar 6 viktima nga Covid-19, sipas mediave shtetërore të premten, një ditë pasi regjimi pranoi për herë të parë rastin e parë me virus, shkruan The Guardian.
Agjencia zyrtare e lajmeve KCNA tha se gjashtë persona kishin vdekur, duke shtuar se njëri prej tyre kishte rezultuar pozitiv me Omicron.
Rreth 187,800 njerëz janë izoluar ndërsa rreth 350,000 kanë shfaqur shenja të virusit, përfshirë 18,000 që raportuan rishtazi simptoma të tilla vetëm të martën, tha KCNA, duke shtuar se 162,200 prej tyre kanë marrë trajtim deri më tani.
Agjencia e lajmeve nuk specifikoi se sa prej tyre kishin rezultuar pozitivë me Covid-19.
/abcnews.al
