Milan do të përballet me Fiorentinën në ndeshjen e javës së 35-të të Seria A, një takim shumë i rëndësishëm për kuqezinjtë e Stefano Piolit, të cilët do të kërkojnë fitoren për të mos rrezikuar vendin e parë.
Në konferencën për shtyp, në prag të këtij takimi, trajneri Pioli theksoi se tashmë skuadra e tij ka katër finale para për t’u fituar në mënyrë që të shpallen edhe kampionë të Seria A.
FJALËT E MALDINIT- “Ka folur për krenarinë e rrugëtimit tonë dhe ne jemi krenarë që kemi drejtues të këtij niveli”.
SKUADRA- “Ne gjithmonë kemi menduar se gjëja më e mirë është të përqendrohemi në ndeshjen e radhës. Kam parë përqendrim, qëndrueshmëri dhe bujari. Këto gjëra duhet t’i shohim dhe nesër në fushë”.
NDESHJET E FUNDIT- “Mendoj se çdo gjë vlen, shumë ndeshje janë vendosur nga episodet dhe ne duhet të japim diçka më shumë se kundërshtari si nga ana teknike, intuita dhe egërsia. Këtë gjë duam të bëjmë tani. Është e gabuar nëse mendojmë për ndeshjet e tjera, duhet të mendojmë për atë nesër kundër Fiorentinës”.
ÇFARË NEVOJITET NË SPIRNTIN FINAL- “Zemër e nxehtë dhe mendje e ftohtë. Kjo është gjithmonë karakteristika më e mirë. Luajmë një stil loje që kërkon gjithmonë energji dhe intensitet, por duhet të jemi të rrjedhshëm dhe të kuptojmë momentet e ndeshjes. Kundër Lazios e kemi merituar fitoren sepse të gjithë kemi besuar dhe nesër duhet të bëjmë të njëjtën gjë”.
EMOCIONET- “Në këtë moment ka një përqendrim të madh dhe një dëshirë të madhe për ta bërë mirë punën tonë deri në fund. Askush nuk po mendon për 22 majin, ne po mendojmë për të nesërmen sepse kështu duhet të jetë.
Parashikimet ndryshojnë nga java në javë, ajo që ka rëndësi është të japim gjithçka nesër kundër një ekipi që luan futboll të mirë. Kur bëjmë paraqitje prej Milani, kemi më shumë shanse për të marrë tre pikët”.
KUNDËRSHTARËT- “Është e vështirë të bësh parashikime ndaj Fiorentinës. Kur një ekip dëshiron të luaj lart, të lërë pak hapësirë pas, ne duhet të jemi të mirë në zgjedhjen e momenteve të duhura. Të qëndrosh brenda lojës do të thotë të interpretosh situata të ndryshme të lojës shpejt dhe me cilësi”. /f.a/abcnews.al
