Një marrëdhënie nuk mund të jetë perfekte dhe ndodhin shpesh për grindje të zakonshme. Si reagoni ju kur grindeni me partnerin? Në fakt, mënyra se si përgjigjeni gjatë një konflikti të pashmangshëm mund të thotë shumë për ju.
Ajo që hesht
Nëse prireni të mos përgjigjeni, të heshtni, atëherë i përkisni kategorisë së femrave që shmangin në çdo mënyrë mosmarrëveshjet dhe zënkat. Konfliktet ju bëjnë të ndiheni jo rehat, ndaj në vend që të përpiqeni t’i zgjidhni ato, zgjidhni të largoheni dhe të shmangni diskutimin.
Është mirë të marrësh kohën dhe hapësirën tënde për një kohë, por largimi plotësisht mund ta bëjë atë të mendojë se nuk të intereson dhe se ai nuk është i rëndësishëm për ty. Përpiquni me qetësi (dhe me dashuri) t’i kërkoni atij pak kohë për të zgjidhur keqkuptimin.
Ajo që nuk i pranon asnjëherë gabimet dhe të metat
Nëse mendoni se partneri juaj ju kritikon sa herë që ka një problem me ju, atëherë kjo do të thotë që nuk i pranoni gabimet apo të metat tuaja. Kur ai shpreh pakënaqësinë e tij për diçka, ju automatikisht ndiheni të refuzuar, në faj, apo edhe … dështakë.
Kjo bën që partneri juaj të ndiejë se dëshirat e tij nuk po dëgjohen. Në vend që të mbroheni përherë, përpiquni të dëgjoni atë që ju ka për të thënë dhe të gjeni një zgjidhje së bashku, pa u justifikuar vazhdimisht dhe pa u përpjekur të dukeni perfekt.
Ajo që hidhet direkt në sulm
Ju hyni në betejë pasi nuk i përtypni dot fjalët. Shumicën e kohës, frazat tuaja fillojnë me fjalë që nuk i japin personit tjetër shumë hapësirë për të justifikuar ose diskutuar me ju. Ju përdorni fraza që zakonisht fillojnë me “ti gjithmonë…” ose “kurrë…”, diçka që nuk i jep hapësirë tjetrit dhe vetëm përcjell zemërim dhe nerva.
Ajo që ul kokën dhe thotë “Ke të drejtë dashuria ime, më fal”
Nëse sa herë që ziheni, jeni dakord me të për gjithçka dhe i kërkoni falje për t’i dhënë fund sherrit, atëherë i përkisni kategorisë së femrave pasive. Kjo sjellje gjithashtu mund t’i japë personit tjetër shumë fuqi, duke besuar se ai ka të drejtë në çdo debat.
Nuk duhet të veprosh kështu në çdo situatë dhe të tërhiqesh gjithmonë. Është e mrekullueshme dhe krejtësisht e shëndetshme të kërkosh falje kur je vërtet gabim, por është një gabim i madh ta bësh atë kur nuk je.
Ajo që nuk rri dot rehat nëse nuk zgjidhet mosmarrëveshja
Kur partneri juaj ka nevojë për pak hapësirë sepse është me nerva, ju vazhdimisht e telefononi, e “mbytni” apo i dërgoni shumë mesazhe. E keni të vështirë ta lini të ulet të mendojë ose të marrë kohën e tij, gjë që zakonisht ka efektin e kundërt.
Kjo sjellje e bën personin tjetër të ndihet i mbytur dhe i stresuar. Herën tjetër që të ziheni, përpiquni të bëni diçka që ju qetëson në mënyrë që të mos stresoheni dhe t’i jepni partnerit tuaj hapësirën dhe kohën që i nevojitet. /abcnews.al
