Më shumë se 5.3 milionë refugjatë ukrainas janë larguar nga vendi që nga fillimi i pushtimit rus dy muaj më parë, sipas shifrave të publikuara nga Komisioneri i Lartë i Kombeve të Bashkuara për Refugjatët (UNHCR).
Edhe pse fluksi është ngadalësuar qartë që nga marsi, OKB-ja pret të ketë tre milionë të tjerë deri në fund të vitit.
Sipas UNHCR-së, më 26 prill, 5,317,219 ukrainas ishin larguar nga vendi i tyre që nga fillimi i pushtimit rus më 24 shkurt.
Gratë dhe fëmijët përbëjnë 90% të këtyre refugjatëve, pasi burrat nga mosha 18 deri në 60 vjeç, të cilët janë në moshë rekrutimi, nuk lejohen të largohen nga vendi.
Rreth dy të tretat e fëmijëve ukrainas janë larguar nga shtëpitë e tyre, përfshirë ato që janë ende në vend.
Më shumë se 7.7 milionë njerëz janë larguar nga shtëpitë e tyre, por janë ende në Ukrainë, sipas Organizatës Ndërkombëtare për Migracionin (IOM). /abcnews.al
