Ish-kryeministri Sali Berisha i ftuar në “Bardh a Zi” në Abc, ka folur dhe për aferën e inceneratorëve.
Ai deklaroi se me inceneratorët janë bërë vjedhje të mëdha, ku është e përfshirë e gjithë qeveria.
Berisha theksoi se përveç ish-deputetit Alqi Bllako dhe ish-ministri Lefter Koka të cilët sot janë në burg, një tjetër person pranë Ramës mund të përfundojë në qeli.
Sipas tij sekretari i Përgjithshëm i Ramës, Engjëll Agaçi ka përdoru një term që mund ta çojë ‘fluturimthi” tek Bllako, tha Berisha.
“I ka hyrë tmerri sepse ka firmosur një vendim në të cilën për hir të së vërtetës i thotë se kjo kompani nuk plotëson asnjë kusht për këtë vendim. Ka firmosur një vendim për një kontratë e cila në mënyrë flagrante është në dhunim të gjitha ligjeve. Procedura, ligji shqiptar, parashikon procedurë të hapur, të hapur me kufizim, të hapur me negociatë. Ky ka zhvilluar procedurën e mbyllur me negociatë, e cila përjashtohet tërësisht nga ligjet e vendit. Këtë e ka patur e shkruajtur e zezë mbi të bardhë që kjo procedurë nuk ekziston. Engjëll Agaçi për ta sheqerosur mashtrimin, ka përdorur një term të ndërmjetëm që e çon Agaçin fluturimthi tek Bllakoja. Mafia e plerave dhe betonit janë dy mafiat kryesore të botës.”, tha Berisha.
/Abcnews.al/
https://youtu.be/uU4SIUVFf7A
