Bayern Munich përballë Villareal në çerekfinalen e Champions League, ky ishte fati që goglat rezervuan ditën e sotme për skuadrën spanjolle dhe atë gjermane.
Bavarezët nga shumë kush mund të konsiderohen si favoritë për të kaluar në gjysmëfinalen e këtij kompeticioni, por Julian Nagelsmann nuk ndan të njëjtin mendim.
Tekniku i gjigandëve gjermanë pas hedhjes së shortit është shprehur se Villareal eliminoi nga gara Juventusin dhe të njëjtën gjë mund ta përsërisë edhe ndaj tyre, nëse skuadra e tij nuk tregohet e kujdesshme dhe nëse nuk e vlerëson aq sa duhet.
“Shorti mund të ishte më i vështirë, duke pasur parasysh skuadrat e pranishme. Megjithatë, ata janë kampionët në fuqi të Champions League. Ata kanë një trajner që ka fituar shumë tituj në këtë kompeticion që kur është krijuar. Ata janë një ekip me shumë eksperiencë dhe kanë një plan të qartë loje. Ata mundën 3-0 Juventusin. Nuk mund ta nënvlerësojmë Villarrealin”, tha trajneri i skuadrës bavareze. /f.a/abcnews.al
