Loading ...
Teksa luftimet Rusi –Ukrainë kanë arritur në ditën e shtatë, kryebashkiaku i qytetit ukrainas, Kherson ka përgënjeshtruar deklaratën e ministrisë ruse të Mbrojtjes, e cila tha se forcat ushtarake morën nën kontroll qytetin.
“Qyteti nuk ka rënë, pala jonë vazhdon të mbrohet,” tha kryebashkiaku Oleksiy Arestovych, shkruan skynews.
Gjatë mëngjesit të sotëm, Ministria ruse e Mbrojtjes njoftoi se trupat e saj ushtarakë morën nën kontroll qytetin jugor të Ukrainës, sipas raportimit të BBC.
Ndërkohë 4 persona kanë humbur jetën pasi ushtria ruse goditi me raketa ndërtesën e policisë rajonale në qytetin Kharkiv, Ukrainë, sipas autoriteteve të vendit, shkruan BBC
Raketa goditi ndërtesat që i përkisnin policisë, Shërbimit të Sigurisë së Ukrainës dhe Universitetit Kombëtar Karazin rreth orës 08:10 të mëngjesit. Fotot e postuara në mediat sociale tregojnë zjarrfikësit duke u përpjekur të shuajnë flakët që kanë përfshirë ndërtesat.
Kryebashkiaku i qytetit tha se Kharkiv është “i rrethuar pjesërisht” nga ushtria ruse, duke shprehur mirënjohjen për guximin e ukrainasve, të cilët nuk janë dorëzuar përballë agresionit rus./abcnews.al/
