Një person është dëmtuar mesditën e kësaj të premteje si pasojë e një aksidenti të ndodhur në Krujë.
Burime për abcnews.al bëjnë me dije se aksidenti ka ndodhur në dalje të qytetit të Krujës, ku një automjet ka humbur kontrollin dhe është përplasur me një bordurë anësore.
Si pasojë e përplasjes është lënduar drejtuesi i mjetit G.R., i cili është dërguar në spital për të marrë ndihmën e parë mjekësore.
Ndërkohë po punohet për zbardhjen e plotë të ngjarjes.
“Rreth orës 15:00, në aksin rrugor Fushë-Krujë, një automjet me drejtuesin shtetasin G. R., ka humbur kontrollin dhe është përplasur me një mur rrethues, dhe si pasojë e përplasjes është dëmtuar drejtuesi i mjetit, i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit”, thuhet në njoftimin e policisë./abcnews.al
