Prej një ore, mbështetësit e ish-kryeministrit, Sali Berisha kanë dal të protestojnë kundër ardhjes së presidentit serb, Aleksandër Vuçiç, në kuadër të nismës “Ballkani i Hapur”.
Në një moment, disa prej tyre i kanë vënë flakën dhe kanë shkelur me këmbë një flamur të Serbisë. Pas këtij veprimi ata kanë bërë thirrje anti Serbisë dhe anti nismës së Ballkanit të Hapur.
Këto pamje i ka publikuar në Instagram, edhe reperi i njohur Stresi, i cili në këtë mënyrë ka konfirmuar se është bërë pjesë e protestës.
“Kosova është Shqipëri”, ka shkruar ai krahas videos.
Kujtojmë që pak orë më parë, reperi njoftoi se ka anulluar xhirimet e videoklipit, pasi ishte në gjendje jo të mirë shëndetësore.
LEXO EDHE: Stresi në gjendje jo të mirë shëndetësore, a do të jetë krah Berishës sot në protestë?
Mesa duket, Stresi edhe pse i sëmurë, ka vendosur që si çdo herë tjetër të dal të mbështes Berishën.l.k/abcnews.al
