Rreth 250 pacientë të infektuar me Omicron po marrin aktualisht trajtim në Britani. Një ditë pas njoftimit nga vetë kryeministri Boris Johnson për viktimën e parë nga Omicron, Raab konfirmoi se mutacioni i ri po përhapej me shpejtësi në Britani, kështu që nevojiteshin urgjentisht masa të reja, si ato të propozuara nga qeveria.
Masa e re kryesore ka të bëjë me miratimin e të ashtuquajturës Covid Pass, e cila tashmë do të jetë e nevojshme për të hyrë në vende të mbushura me njerëz, si teatro, kinema, stadiume etj. Gjithashtu qeveria ka kufizuar edhe numrin maksimal të klientëve të lejuar në pube dhe restorante.
79 deputetë konservatorë synojnë të votojnë kundër masave të reja që qeveria e Boris Johnson do të përpiqet të miratojë në Dhomën e Komunave të martën. Ky është reagimi më i madh i deputetëve konservatorë që kur Johnson u bë kryeministër.
Megjithatë, opozita mbështet shumë nga masat dhe pritet të ndihmojë në miratimin e projektligjit.
/abcnews.al
