Autoritetet shëndetësore të Zelandës së Re janë përballur me një situatë të pazakontë kur kuptuan se një burrë ishte vaksinuar kundër koronavirusit 10 herë në ditë në emër të njerëzve të tjerë. Astrid Koornneef, drejtor i ekipit të operacioneve për programin e imunizimit Covid-19 në Zelandën e Re, tha se Ministria e Shëndetësisë e vendit ishte në dijeni të çështjes dhe po hetonte rastin.
“Ne jemi shumë të shqetësuar për këtë situatë dhe po punojmë me shërbimet përkatëse,” tha ai, sipas New Zealand Herald.
Profesorja e asociuar Helen Petousis-Harris e përshkroi sjelljen si “tepër egoiste”, pasi burri dyshohet se ishte paguar nga persona që kishin frikë të vaksinoheshin por donin të merrnin certifikatën e vaksinimit.
“Një burrë që ka marrë doza të shumta të vaksinës COVID-19 nuk ka gjasa të ketë pasoja të rënda por ka të ngjarë të ndihet keq ditën tjetër nga dozat e shumta,” tha profesori i Zelandës së Re.
Shkencëtari tha se marrja e dozave të shumta të vaksinës Covid-19 nuk është ideale dhe duhet shmangur, duke thënë se kur njerëzit të cilët marrin doza të shumta, ata kanë ethe, dhe dhimbje koke.
Sipas mediave të vendit, burri ka vizituar disa qendra vaksinimi pasi ka marrë para për shërbimet e tij.
/abcnews.al
