E vërteta është se çdo çift ndjek një rrugë të ndryshme me kalimin e kohës. Shumë i afrohen martesës dhe krijimit të familjes ndërsa të shumtë janë ata që kalojnë kriza dhe ndahen disa vite më vonë. Dashuria, respekti, mirëkuptimi dhe vlerësimi i ndërsjellë janë disa nga themelet bazë që duhet të ekzistojnë në një marrëdhënie afatgjatë. Ekspertët e marrëdhënieve besojnë se ka disa këshilla për një martesë më të lumtur.
Përqendrohuni në gjërat pozitive të partnerit tuaj
Nuk është gjithmonë e lehtë të shohësh të gjitha të mirat që ka partneri yt. Për të pasur një martesë të lumtur në planin afatgjatë, duhet të pranoni pikat e forta dhe të dobëta të partnerit tuaj dhe të jeni në gjendje të vendosni pritshmëri realiste.
Pranoni që edhe çiftet e lumtur grinden
Asnjë çift i martuar nuk është i lumtur gjatë gjithë kohës. Si me të gjitha marrëdhëniet, ka ulje dhe ngritje. Synoni të keni dashuri dhe mirëkuptim të ndërsjellë për të kapërcyer çdo vështirësi.
Mos prisni të plotësoheni vetëm nga bashkëshorti juaj
Asnjë njeri nuk duhet ta bazojë lumturinë e tij vetëm në një person tjetër. Sigurisht që bashkë do të bëni ëndrra dhe synime, por do jetë mirë të ruani pavarësinë në disa çështje.
Bëni gjëra që ju kënaqin
Nëse ju pëlqen të udhëtoni, vidhni kohën vetëm për ju. Në të njëjtën kohë mund të caktoni një takim gjatë javës si datë rinovimi. Është shumë e rëndësishme që çiftet të mos lodhen nga rutina e përditshme.
Respektoni njëri-tjetrin
Edhe në një grindje të madhe, kini kujdes të mos thoni fjalë për të cilat do të pendoheni më vonë. Zemërimi është një këshilltar shumë i keq dhe partneri juaj do të zhgënjehet nëse zbulon se ju nuk e respektoni apo nuk e vlerësoni. /abcnews.al
